Líf mitt í hnotskurn

http://blazersandpins.tumblr.com/page/9

Seinasti mánuðurinn á árinu

Ég ætla gera eitt blogg í tilefni dagsins eftir nokkrar eftirspurnir, ég er ekki frá því að ég sé einn latasti skiptinemi í heimsinssögu og ef ég skrifa vitlaus er það útaf ég kann ekki lengur íslensku, þarf að vanda mig að hugsa á íslensku þar sem ég hugsa bara á spænsku og ensku.

Það er búið að vera eilíf síðan ég skrifaði seinast en nákvæmlega mánuður held ég.

Mikið er búið að gerast seinustu daga, í þar seinustu viku var svona " feria " í bænum mínum og fórum við á föstudeginum,laugardeginum, þriðjudeginum, miðvikudeginum og föstudeginum en þar voru fullt af skemmtistöðum og rússíbönum og svona allskonar og tónleikar. Á Laugardeginum fór ég og systir mín útá flugvöll og fórum í flugvelina til að fara til Mexico city. Þegar við komum þangað voru löggur allstaðar og fullt af stórum húsum. Við fórum í húsið sem við áttum að gista í og hittum þar mömmuna og bróðirinn sem komu þangað fyrir viku. Ég fékk fyrsta drauminn minn á spænsku þessa nótt í Mexico city og það var mjöög skrítið verð ég að segja. Við skiluðum dótinu uppá herbergi og fórum svo og fengum okkur að borða í mallinu og ákvað ég svona skemmtilega að æla úr mér líftúrunni inná klósetti í mallinu / alltaf að safna í lífsreynslubankann. Eftir það var ég dauð úr þreytu og fórum heim og löggðum okkur og fórum í annað moll um kvöldið. Daginn eftir fórum ég & systir mín í rússíbanagarð og var ég fárveik því það var skítakuldi þarna en það stoppaði mig ekki. Það var sjúklega gaman í honum og eins og þú sérð á þessari mynd : Þá voru þeir huges!

Þegar við vorum komnar með ógleði í mallann þá fórum við í mallið og fórum að versla! Loksins falleg föt en ekkert smá mikið að gera og voru búðirnar opnar til 12 á nóttuni, annað en á Íslandi bara opið til 6.

Auli með pokana

Vorum allve orðnar dauðar í fótunum þannig við fórum heim & fengum okku nachos í kvöldmat, mexícanskur matur er klárlega besti matur í heiminum og veit ég ekki hvað ég geri án hans þegar ég kem heim, mun bókað ekki finna bragð af íslenska matnum eftir allt þetta chili.

Næsta dag fórum við svo í mesta túristadag ársins, við fórum niðrí bæ og röltum um miðbæinn og var ekkert smá svona evrópuþema þarna. 

Áður en ég kom til Mexico vissi ég ekki að konur væru svona mikilvægar hérna en alltaf eru konur í forgang og t.d. þegar ég fer í strætó og það eru engin sæti eru alltaf menn sem standa upp til að leyfa mér að setjast! ekket smá spes

Við fórum svo í svona " turbus" og keyrðum um alla Mexico City og fórum á eitthvað safn sem að ríkasti maður í mexico bjó til og er ókeypis með fullt af frægum listmunum.

Eftir það fórum við svo í sjúklega flott moll sem var svona fyrir ríka fólkið og vá það var öryggisvörðir á 1 metra fresti. Allstaðar ! Við versluðum smá meira og fórum svo aftur inní rútuna og biðum í þessari skemmtilegu umferð !

Svo fórum við heim en þetta var seinasti dagurinn okkar saman því um morguninn næsta dag fór þessi elska til Tokyo í mánuð. :( 

Daginn eftir var seinasti dagurinn í Mexico city og fór ég með mömmu minni á eitthvern markað og borðuðum við grænar tortillur! Og svo daginn eftir fórum við aftur í flug og heim í hitann loksins! Skrítin tilfining að vera spennt að komast heim en samt ertu í rauninni ekkert að fara heim. 

Í þessari viku var einning prófavika en mætti ég bara í 2 próf því ég er að fara skipta um skóla í janúar þannig það er komið á hreint! Nýji skólinn er án skólabúninga, með rækt og klára skólann í maí! Gleði gleði.

Seinustu daga hef ég svo sem ekki gert neitt nema hanga í tölvunni og deyja úr heimþrá. Get nú ekki sagt að ég sé mikið jólabarn en samt er eitthvað við kaldan december og jólasmákökur sem ég sakna ekkert smá mikið og bara allt þetta góða á íslandi. 

Í gær fór ég svo í svona XV afmæli sem er 15 ára afmæli fyrir stelpur. Þetta var RUGL, í fyrsta lagi var okkur ekki boðið í þetta afmæli en vinur minn bauð mér og svo komst ég að því að honum var ekki heldur boðið, þá er maður búinn að crasha afmæli & jarðarför, eina sem er eftir er brúðkaup haha! 

En allavegana var þetta haldið í svona Country Club og var þetta bara mesta Beverly Hills partý í heimi, þetta var flottara en brúðkaup meiraðsegja! 

Þetta var afmæli númer 2 hjá henni, semsagt fyrra afmælið var svona glamour og þetta var mexícanska

 Ég & Nicole vinkona mín ekki allveg nógu fínar fyrir þetta partý!

 Áður en hún kom á sviðið voru þessir mexicanar að dansa

Svo kom hún , það voru allvegana 15 myndatökumenn að taka myndir í þessu afmæli, 15 ára gömur þetta er rugl!

 Dansa með þeim skvísan og svo eftir þetta kom flugeldasýning.  Við vissum ekki einu sinni hvað stelpan hét

 Fullt af mat & áfengi í þessu dæmi, aldrei verið í jafn miklu sjokki. Svona gerir ríka fólkið þetta

En núna eru 4 dagar í jólin og gæti ég ekki kviðið meira fyrir. Hérna eru jólin 24. des eins og á íslandi og er borðaður fiskur á jólunum og svo er ekkert meira gert. Borðað og búið! Spenningur í hámarki...

Svo 26. des förum við í 8 daga ferðalag til Merida og á ströndina og svona vonandi tekur maður gleðinni aftur þá. En á föstudaginn er ég að fara í kirkjubúðir jibbí! Allt svo steikt hérna úti en þangað til næst xx

o

....

Ég veit ekki allveg hvað ég á að skrifa hérna en ég veit það að ég myndi gera allt fyrir eina pulsu með steiktum lauk og snjó!!

Ég er búin að vera hérna í 2 mánuði og 3 vikur eða 87 dagar sem er ekkert smá og mér finnst ennþá skrítið að vita að ég sé í Mexico, þegar maður fer svona út fattar maður hvað ísland hefur það gott og vá hvað ég sakna þess að fá íslenskt vatn úr krananum og kúra undir sæng þegar það er vont veður ( eins og alltaf), en sem betur fer er að kólna smá þannig á nóttuni er maður ekki að deyja úr hita eins og í byrjun en ég kvíði ekkert smá fyrir maí því þá er bara ólifanlega heitt.. 

Systir mín er að fara til Japan eftir 3 vikur og fyrir það ætlum við til Mexico city og erum búnar að kaupa flugmiða og fara í smá skemmtiferð og næstu helgi er haldið til Oxaca sem er rugl fallegur staður 8 tíma í burtu.. Seinasta vika var frekar róleg og er allt orðið rosalega venjulegt fyrir mér hérna. 

Á Föstudaginn höfðum ég og systir mín bara cosy kvöld og á laugardaginn var kíkt smá út á lífið en bara til 12 því eg er bara 5 ára... Best er að byrja snemma hér! Mexico er klárlega það strangasta sem ég hef kynnst á æfinni en maður gerir bara gott úr því! Á Sunnudaginn fórum við svo upp í sumarbústað en á staðinn fyrir að vera sumarbústaður var þetta meira svona vetrarhús þar sem þetta var lengst upp í fjöllunum og ískalt. Frændi minn átti bústaðinn og átti hann risa stóran vínkjallara og fórum í smá vínsmökkun og fengum ekkert smá áhugaverða kennslu um öll vínin. En mér finnst þau samt öll smakkast eins. 

Í dag var svo frí í skólanum þannig við fórum í kalda bæinn og mér finnst alltaf jafn ótrúlegt að fara úr 30 stiga hita í 15 stig á 40 mínútum, en ég fór með vini mínum og systur minni og fórum við í eitthvern náttúrugarð og borðuðum pítsu og fórum í nokkurnskonar lautarferð, fórum svo og skoðuðum okkur um og fórum svo í centralið og fengum okkur ís og fórum svo heim og beint út að hlaupa ísinn og pítsuna af okkur og ligg ég hérna uppgefin og ekki allveg að nenna í skólann á morgunn . Get ekki sagt að það sé beint gaman að vakna kl 5 á morgnanna og ég er eimitt mesta svefnburka í heiminm þannig hver morgun er barátta haha... en þangað til næst xxx

Venjulegt líf

ég fór ekki mikið í skólann seinustu viku þar sem ég er búin að vera deyja úr hausverk og það hjálpar ekki til að krakkarnir í skólanum eru liggur við að öskra og engin smá læti í þeim þannig.. En á fimmtudeginum var AFS fundur og var okkur uppljóst fullt af fleiri reglum og það má t.d. ekki ferðast með neinum nema hann sé 24 ára og svona skemmtileg.. Alltaf verið að reyna skemma allt fyrir manni og í þokkabót er AFS í Mexico mjög strangt. Get nú ekki sagt að ég hafi verið sátt eftir þennan fund en svo fór ég út að borða með systur minni og vinkonu minni og svo heim að sofa. Á föstudeginum fór ég loksins í skólann og á föstudögum eru bara 3 timar þannig það er alltaf mjög fínt en svo þarf maður að bíða þangað til klukkan sé orðin tvö til þess að mega fara úr skólanum. Eftir skóla lagði ég mig smá og fór svo í spænskutíma hérna heima hjá mér, það kemur kona 2x í viku og kennir mér spænsku sem er mjög gott því að ég náði þessu ekki allveg í hinum spænskutímunum. Um kvöldið fór ég svo út að borða með skiptinemunum og svo í partý með systur minni. Mikið skemmtilegra að vera með eldri krökkum hérna úti þar sem allir eru ennþá 13 ára í anda og þroska á mínum aldri haha..:/

Á laugardeginum vaknaði ég snemma og fór að læra spænskuna mína og talaði við pabba á skype og fór svo í kirkju, alltaf skemmtilegt að kíkja í kirkju frá 6-8 á laugardögum..... gerist ekki leiðilegra, en  eftir kirkju kikti ég í mollið með fjölskyldunni minni og svo út að borða, mjög rólegt alltaf hreint. 

Á sunnudeginum var svo loksins eitthvað skemmtilegt að gerast en þá fórum við í svona waterfalls og ekkert smáaaa flott! Klifruðum þarna upp eins og sést á myndunum og eyddum deginum þarna... Ætla klárlega aftur þangað, en eini gallinn var að það voru svona trilljón tröppur og áligga jafn hátt og esjan sem maður þurfti að labba niður og svo upp til að komast að þessu. Eftir það kíktum við í mat til pabbans sem er alltaf mjög gaman því hann er svo eðilegur ( eða mér finnst það ekki mexíckönum) og svo í ísbíltur og leggja sig og enduðum helgina á því að fara í matvörubúð.. Já núna er allt að verða rosalega basic og allt í smá rútínu hvernig þetta er, ég er byrjuð að kvíða smá fyrir að systir mín er að fara eftir 3 vikur til Japan í einn mánuð og þá er ég ein með mömmuni og bróðurnum og yfir jólin, það verður nú eitthvað og eimitt í dag setti mamma mín upp jólatréð, já miðjann nóvember ekkert verið að spara!

Ég er búin að vera reyna að hugsa fleiri skrítnar staðreyndir um mexico haha og hér koma nokkrar :

• Það er allveg heimsending á öllu, matvörubúðinni, apótekinu, öllum mat name it! þetta er mætt heim til þín eftir hálftíma !
• Hérna setja þau sítrónu og salt á ALLAN mat, þá erum við að tala um ávexti, grænmeti og allan matinn en þegar það kemur að frönskum nei þá er ekki sett salt heldur pipar haha!
• Það má ekki gleyma chilíinu en það er einnig sett á lang flest, nammi, ávexti, grænmeti og popp og snakk.. Viðbjóður
• úti á götu er verið að selja alskonar hluti sem manni hefði aldrei dottið í hug að yrði selt standandi að labba milli bíla
• Mexícanar borða mjög hægt, ég hélt að ég borðaði hægt en samt er ég alltaf löngu búin að borða undan þeim og sumir taka sér extraa langan tíma í þetta
• Þegar þau djóka setja þau alltaf tunguna út t.d. vá hvað þú ert ljót eeeee og setja tunguna út.. Rosa spes, ( og finnst kaldhæðni rosa töff) en kunna samt ekki að nota hana.
• Hérna dettur engum í hug að setja vatnið inní ískáp nei það er bara drukkið heitt í hitanum
• Og seinast en ekki síst í skólanum er í tísku að gráta eða eitthvað, allvegana 5 manneskjur af 300 manna skóla grenja á dag.

En næstu helgi er ég að fara í ferðalag en það er ekki allveg 100% þannig vonandi verður næsta blogg skemmtilegra, já ég segi það alltaf því mér finnst þessir hlutir sem ég er að skrifa svo ómerkilegir haha... En ég er allvegana komin með 6500 views... keep it going

xxx

Cancún

Um helgina fór ég til Cancún með systur minni og pabba hennar, ég verð að afsaka hvað ég er aðeins of löt fyrir lífið þessa dagana en allvegana hér kemur það:

Við fórum á fimmtudeginum kl 6 í rútuna í 13 klukkustundir og mættum til bæ sem heitir Merida og sóttum bróðurinn sem er að fara búa hjá okkur næstu mánuði. Við fórum heim til hans og sóttum dótið og fórum svo að heimsækja píramída sem voru búnir til fyrir 3000 árum af Mayum og eru rosa frægir hérna í Mexico og ekkert smá skrítið að heyra og sjá túrista og ensku vá! 

Það var rosalega gaman að sjá þetta en því miður höfðum við bara einn og hálfan tíma í að sjá alla þessa píramída og var ekkert smá verið a reyna selja manni þarna. Eftir þetta keyrðum við í klukkutíma til Cancún og váaa hvað allt var flott þarna bara endalaust af huges hótelum í alskonar gerðum og strandir. Við fórum á all you can eat buffet og fengum okkur þennan girnilega eftirrétt 

Eftir það kíktum við í mallið að versla smá og ég verð liggur við þunglynd að horfa á öllu flottu fötin og kaupa ekki. En eftir þetta fórum við uppá hótel og kíktum út á lífið restina á kvöldinu og ég verð að segja öllum sem lesa þetta Cancún er beeesti staðurinn til að gera alla þessa hluti vá!!

Á laugardeginum voknuðum við og fórum í morgunmat og fengum rosa gott hlaðborð á ömurlegasta hóteli í heimi haha. En eftir það keyrðum við í klst og fórum í eitthvern garð ég og systir mín sem var ekkert smá dýr og allt átti að vera all included en bullshit.. Það er alltaf verið að reyna svindla á manni hérna skal ég segja ykkur! En þar fékk ég að snorka, uppáhaldið mitt svo fallegast í heimi, sjá höfrunga og gera allskonar activits og borða endalaust haha... En eftir það vorum við rosalega þreyttar og héldum af stað á aðra strönd þar sem við hittum pabbann og bróðurinn og röltum um það og heitir þá staður Playa de Carmen og planið er að fara aftur í 2 vikur ein með systu í Janúar og get ég ekki beðið!!

Þegar við komum aftur til Cancún kíktum við í mallið og fékk að versla smá loksins.

Mjög basic í mallinu haha!

En svo fengum við okkur að borða á Hooters,

en eftir þennan dag vorum við dauð úr þreytu og langur ferðadagur framundan þannig við fórum að sofa snemma.

Sunnudagurinn fór allur í það að ferðast frá 11 um morgun til 3 um nótt og aldrei upplifað neitt jafn leiðilegt og þá byrjaði maður að fá smá heimþrá og er þessi vika búin að vera smá í þeim gír en það er bara eðlilegt og systir systur minnar er að ganga í gegnum það nákvæmlega sama þannig, þetta er sko sannkallaður rússíbani.

En í þessari viku er eg búin að vera með svo mikinn hausverk þannig eg hef ekkert mikið verið að mæta í skólann þannig bara slökun útí eitt.. Fyrir utan yndislega jarðsjálftan sem kom í gær sem var 7,4 4 klst frá... En alltígóðu samt sem áður

Þangað til næst xx 

Smá sunnudags

Seinasta vika var ósköp venjuleg eins og flestar eru en á hverjum morgni vakna ég kl 5, snooza til 6 tek mig hálftím í að gera mig til og borða ( reyna fá eins mikinn svefn og mögulega hægt er) og labba út og tek skólarútuna 2 min frá húsinu mínu kl hálf 7 á morgnanna.. Skólinn er svo ósköp venjulegur fyrir utan hvað það er erfitt að vakna svona snemma. Skólinn byrjar kl 7 og er til 2 á daginn, hver tími er 50 min og er alltaf 10 mín pása milli hvers tíma og enginn hádegismatur. Eftir skóla tek ég svo rútuna heim og þá er "hádegismatur" kl 3 og svo fer ég annaðhvort í ræktina, sef eða hitti krakkana. Ég er svo í einkaspænskutímum 2 svar í viku og þá kemur kona heim til mín og kennir mér spænsku, vikan mín er oftast svona en svo fer ég og systir mín oft út með vinum hennar á kvöldin einnig sem er mikið skárra þar sem þau eru eldri og eru með venjulegann þroska.
Þessi helgi var einnig frekar ómerkileg eins og seinasta en á föstudaginn var ég í spænskutíma frá 7-9 og eftir spænksutímann kom vinkona mín til mín og við og systir mín fórum út að borða og höfðum svo kosy stelpukvöld. Á laugardeginum lituðum við á mér hárið og klipptum það, 10 cm styttra og svart... Ekki beint það sem ég óskaði eftir en vonandi dofnar liturinn og hárið síkkar haha.. En eftir litunina og klippinguna fórum við út að borða aftur á ítalskan pítsa stað sem var ágætur og fórum svo í mallið til að fá okkur ís en fundum ekki uppáhalds ísinn okkar þannig við fórum. Á leiðinni útúr mollinum var klikkað mikil umferð og hringir þá mamma mín í okkur : HVAR ERUÐI?? - þá var víst rán í búðinni sem við fórum í og 3 drepnir eða eitthvað álíka, veit ekki nákvæmlega smáatriðin en þetta tengdist víst eitthverju dópi.. Heppnin var með manni þarna og maður þarf sannarlega að vera varkár hérna úti. En þetta var upplifun fyrir sig. Svo fórum við í kirkjuna á laugardagskvöldi.. Já ég í kirkju á laugardagskvöldi í  2 klst frá 6-8, og var spilað rokktónlist í kirkjunni, menningin hérna er svo rosalega ólýkt og alltaf er verið að koma manni á óvart með nýjum skrítnum hlutum. En ég fer í kirkju alltaf á laugardagskvöldum , sunnudagsmorgnum frá 10-12 og aftur frá 18-20.. Meira ruglið ég perónulega sé ekki pointið í því að fara í kirkju afhverju getur maður ekki bara beðið heima hjá sér. En fjölskyldan mín er kristintrú en kristintrú hérna úti er allt öðruvísi en á íslandi. Ef þú ert kristintrúaður trúiru á Jesus og guð eins og allstaðar í heiminum en það er enginn kross eins og á íslandi og fólk mætir of seint í kirkju eða mætir bara í korter og fer svo rosalega sérstakt.. En þegar þú ert kaþólskur trúiru á maríu mey og þau eru með kross með eitthverju brauði inní og trúa þau á þetta heilaga brauð. Get nú ekki sagt að ég sé þetta en það er rosalega sterkt kirkjusamband hérna og þú átt að gera allskonar skrítna hluti fyrir utan kirkjuna, t.d. setja vekjaraklukkuna þína á lag sem tengist guð, senda skilaboð til vina þinna með guðlegum skilaboðum o.fl rugl haha!
En  eftir kirkjuna fórum við heim og náðum í dótið okkar og var planið að fara útúr bænum til pabba systur minnar, við tókum leigubíl. Þegar við komum til hans grilluðum við og sátum úti allt kvöldið með þeim og duttum við í þann gír að plana ferðir.. Og núna erum við búin að kaupa miða til Cancún fyrir fimmtudaginn og gæti ég ekki verið spenntari!! að fara frá fimmtudagsnóttu í 13 tíma rútuferð og vera yfir helgina , föstudag, laugardag og sunnudag og keyra svo á sunnudagsnóttina aftur til baka og sækja bróðir minn sem er að flytja hingað heim. Alltaf eitthvað nýttt! En hann er 22 ára og mun búa hjá okkur. En næsta blog verður ábyggilega mjög skemmtilegt með ferðasögunni þangað til næst xx

52 dagar

52 dagar komnir í mexico og mér líður eins og ég hafi búið hérna alla æfi, er búin að vera hjá fjölskyldunni minni í 2 og hálfa viku og allt gengur rosalega vel. Þær eru yndislegar í alla staði og þvílíkur munur að vera með sér herbergi, þegar maður fer svona út, metur maður alla hluti svo mikið meir!
Það er svolítið langt síðan ég gerði blogg en það er bara útaf ég er sú allra latasta eins og þið þekkið!
En allavegana fór ég seinustu helgi til San Cristobal sem er kalda borg með bestu vinkonu minni hérna og systur minni og rútuferðin kostaði 300 kall og rosa fínt hótel á 1500 kall, þetta er rugl verðið á hlutum hérna. Við fórum á Föstudeginum í garð hérna nokkrir skiptinemarnir og fengum okkur að borða saman og svo ætlaði ég að fara til vinkonu minnar en nei þá átti ég að vera komin heim kl 10 þannig ekkert varð úr því... Ég er ekki lengur 17 ára hérna ég er 12 ára en þrátt fyrir það trúir enginn að ég sé 17 þar sem allir lýta svo barnalega út, var t.d. spurð hvað eg væri gömul um daginn og þá hélt gaurinn að ég væri 25 ára, róum okkur aðeins hahaha.. En á laugardags eftirmiðdag fórum við í hina borgina og fengum okkur bestu pítsuna og gerðum allskonar skemmtilegt sem maður gerir þegar maður er einn í annari borg. En það var rosalega skemmtilegt og kynntumst við fullt af skemmtilegu fólki í leiðinni.

San Cristobal

Reykja vatnspípu

Vikuna eftir var rosalega eðlileg eins og alltaf fór ég í spænskutíma og á fimmtudaginn gerði ég kynningu í 6 mínútúr á spænsku vibbíj! Meðal annars er búið að hóta mér að senda mig heim ef tala ekki reiprennandi spænsku eftir 2 viku, aldrei að fara gerast en svona gera mexicanar, hóta og hóta og ljúga... Svaka stuð haha..  En núna eru spænskutímarnir loksins búnir og í þessari viku byrja ég í einkaspænskutímum því að að þeirra sögn er ég rosalega lengi að ná spænskunni samt sem áður talar bara ein vinkona mín ensku og ég næ nú að tala við vini mína, væri gaman að sjá þau reyna læra íslensku haha..

Á föstudaginn fór ég eftir skóla til vinkonu minnar í höllina hennar, og hjá henni þarf hún ekki einu sinni að kveikja ljósin sjálf haha það er bara þjónað hægri vinstri, meira bullið. En eftir það fór ég í spænskupróf og um kvöldið fórum við á discotec sem var rosa stuð, maður borgar 1000 kr fyrir frítt áfengi allt kvöldið, ókeypis liggur við! En ég gisti hjá vinkonu minni og vöknuðum eld hressar kl 8 um morguninn og fórum upp í sveit til vina okkar og fórum að synda í eitthverjari á, borðuðum þennan yndislega mexicanska mat sem að ákvað að skemma líkamann minn og sem eftir var af ferðinni svaf ég og er ennþá fárveik í maganum... Ekki koma til mexico og borða chili! Mæli eindregið ekki með því !

Þegar ég hugsa um þegar ég kom hingað er það skrítnasta sem ég geri, að hugsa um ísland er ennþá skrítnara og ótrúlegt en satt er engin heimþrá né sakn á ísland komið eftir heilar 7 vikur sem betur fer! Er ekki frá því að ég sé meira hamingjusamari hér en heima þrátt fyrir margar flækjur hérna úti.

Ætla koma með smá skrítnar staðreyndir um Mexico sem komu mér á óvart
- Allir eru alltaf í skóm, inni og úti
- Það er eðlilegast í heimi að vera í heimsókn hjá random fólki og fá að leggja sig í rúmminu þeirra
- Ef að þú kyssir 2 stráka ertu hóra
- Allir foreldrar sem ég þekki lýta á áfengi sem djövulinn
- Ef þú kemur 2 mín of seint í tíma máttu ekki koma inn í stofuna
- Það eru nánast enginn grannur hérna
- Allir eru litlir og hér er ég risi, ég af öllum ótrúlegt en satt
- Það eru allir sjúklega opnir með ótrúlegustu hluti, t.d. er labbað upp að manni í skólanum og spurt, langar þer í þennan sem kærasta þinn, viltu sofa hjá þessum?, ertu hrifinn af þessum? Bara fyrir framan alla.. Ekki vandamálið hérna
- Það er enginn hádegismatur í skólanum bara 10 mín pása milli hvers einasta tíma
- Þegar þú ert búin að þekkja manneskju í 5 mínútur segist hún elska þig
- Þú kyssir alltaf manneksju hæ á kynnina þó að þú þekkir hana ekki og líka bæ, annars ertu dóni
- Ef þú kemur ekki með eitthvert eða ert upptekinn fara allir í fýlu útí þíg
- Þau nota majones á brauð og ég hef aldrei séð smjör hérna
- Mjólkin rennur út eftir 2 ár
- Allt er ódýrt
- Mamma mín sá stelpu vera rænda til að vera hóra í götunni minni, no worries
- Skjaldbökur eru eldaðar og borðaðar hér

Og já engar myndir seinstu 2 vikur, en fékk nýja myndavél í dag!

Núna skal ég taka 10000 myndir!! Af öllu skrítna!

Okey allavegana leiðilegasta blogg hingað til! Lofa gera betur næst
Adios

24-30 september! Tíminn flýgur

Eftir að hafa staðið í þessi fjölskylduveseni er ég búin að vera himinlifandi yfir nýju yndislegu fjölskyldunni minni. Á mánudaginn fór ég ekki í skólann vegna þess að ég þurfti að fara í "immigration" og reyna áfram að fá visa og fékk svo að fara heim að sofa og held núna að bráðum fái ég visa haha! Klárlega mesta vesenið og um kvöldið fór ég og systir mín í mat til vinkonu minnar og bróður hennar og fengum þetta ljúfenga ítalska pasta og vorum hjá þeim að spjalla og komst ég að því skemmtilega að fyrverandi systir mín er búin að vera vinna í því að búa til lygasögur um mig og bullið sem kemur uppúr þessu liði, þannig þegar ég mætti í skólann á þriðjudaginn störðu allir á mig eins og í bíómynd eða eins og fyrsta skóladaginn en ég var ekki lengi að leysa úr þeim vanda með því að leiðrétta þetta við alla vini mína og tala við þessa yndislegu dömu en hún auðvitað skildi ekkert neitt... En eftir skóla á þriðjudaginn fór ég og vinkona mín niðrí bæ og fengum okkur ís og röltum um centralið  vegna þess að í þessari viku var frí í spænskutímum þar sem að elskulegi spænskukennarinn tók sér frí og það er enginn smá munur að vera ekki með þessa spænskutíma í vikunni sinni..

Á miðvikudaginn var bara ósköp venjulegur dagur nema ég verð að segja ykkur smá frá skólanum þar sem ekkert gerðist merkilega á miðvikudaginn, á Íslandi kvörtum við yfir öllu en hérna er bara ekkert í boði, stólarnir eru svona litlir tréstólar og allir krakkarnir eru með límmiðabækur, liti og allt föndurdót og eftir hvert einasta verkefni þar kennarinn að kvitta og mér líður stundum eins og ég sé komin í 6 bekk aftur haha. En um kvöldið fór ég með systur minni og vini hennar í bíó og fórum svo út að borða.

Á fimmtudaginn ákvað ég að vera með þennan skemmtilega magaverk og komst að því í dag að ég er með orm í maganum sem lætur mig verða svanga og illt í maganum og líkaminn miskilur orminn þegar hann er að meiða mig heldur líkaminn minn að ég sé svöng þannig ég er að borða óeðlilega mikið en á morgun fer ég til læknisins og fæ annaðhvort pillur eða sprautumeðferð gegn þessu. En á föstudaginn voru allir að knúsa mig til hamingju með afmælið þó að ég ætti ekki einu sinni afmæli fyrenn á laugardeginum haha þar sem þau elska afmæli svo mikið en það var enginn skóli heldur einungis ferð á safnið sem er það allra leiðilegasta sem ég hef gert liggur við en byrjuðum á því að labba í gegnum eitthvern skóg og skrifa hvert einasta spjald niður í 2 klukkutíma og þar sá ég meðal allars stærstu kónguló sem var jafn stór og tarantúla og þau bara ooo sæta konguló. En eftir það fórum við á annað safn í 2 klukkutíma sem var svona sveppasafn og ég var að deyja úr þreytu og aldrei skemmt mér jafn vel haha og eftir það fórum við á annað safn og þá ákvað líkaminn minn að feila og byrjaði ég öll að titra og fá gæsahúð og magaverki allt þessum ormi að kenna greinilega ahhaha sama hversu skrítið það hljómar vissi ég ekki að þetta væri til. En eftir það fór ég heim og lagði mig og svo var AFS fundur heima hjá mér og spjölluðum um allskonar atburði, þurfum að gera sjálfboðaliðavinnu og ætlum við að fara eitthverntíman á ströndina sem er 2 klst í burtu og bjarga skjaldbökum og gista þar rosa spennandi en eftir fundinn fórum við nokkrir krakkar og fengum okkur pítsu á fínasta veitingarstaðnum í Tuxtla eða eitthvað í þá áttina en nei nei versta pítsa og dýrasta sem ég hef smakkað á æfinni. 

Á laugardagsmorguninn átti ég loksins afmæli og orðin 17 ára eftir langa bið og langaði ekkert meira en að skella mér til Íslands eina helgi og fá að keyra! Ömurlegt að vera komin með bílpróf og þurfa að bíða í eitt ár eftir að nota það haha! En ég rölti útí búð og keypti mér gúmmelaði og svo var búið að plana svona surprise dag fyrir mig og ég þurfti að vera með svefngrímu og svo komum við á staðinn og þá var systir mín búin að plana  partý fyrir mig með sundlauginni og allskonar meðlætum og vorum þar allann daginn og ein stelpan misti myndavelina mína í sundlaugina þannig hún er ónýt æðislegt.En  svo gátum við eiginlega ekki meira um kvöldið haha þannig við gistum 4 hérna heima hjá mér og sátum bara úti á svölum að chilla en svo var ég vakin kl 8 á sunnudagsmorgni til að fara í kirkju og keyrðum þangað en þá var þetta bara eins og mötuneyti og fjölskan mín er kristintrúuð en sá trú hér er ekki með kross mjög sértstakt. En þarna eyddum við 3 klukkutímum og fórum svo í lunch en neinei á ekki að vera önnur messa kl 4, hvað er pointið?? Ég bara skil það ekki þannig ég ætla reyna vera að leæra þegar við eigum að vera að fara en held að ég sé búin að segja frá allri þessari viku þannig þangað til næst.. 

Breytingar!

Núna er kominn 24 sepember og það er ekkert smá sem tíminn líður! Það hefur mikið verið í gangi seinustu daga en seinasta miðvikudag fór ég í það að reyna skipta um fjölskyldu en það er ferli sem tekur langann tíma þannig á fimmtudaginn sendi ég bréf og það var nú meira vesenið sem er mjög eðlilegt en á föstudaginn fékk ég það í gegn að á Laugardaginn að fá nýja fjölskyldu útaf ástæðum sem ég held megi ekki segja á netinu haha.. en það var mjög áhugavert ferli en á föstudaginn í skólanum byrjuðu krakkarnir daginn með að koma með sætustu kanínuna í skólann og ég var að klappa henni og alltíeinu bara já við erum að fara drepa hana á eftir í líffræði og ég hef aldrei verið í jafn miklu sjokki! Hélt nú að það væri eitthvað djók en neinei klst sienna heyrði ég öskur og þá var kanínuunginn drepinn og tekið líffærin útúr henna greyið, viðbjóður..

Litla sæta kanínan sem er dáin.. Ég spyr bara hvernig er þetta hægt

 En eftir skóla fór ég heim og lagði mig þar sem ég var að deyja úr hausverk eitthvað sem maður er oft með hérna útaf sólinni og tungumálinu og alltíeinu kom host mamma mín að mér og sagði að við værum að fara borða með bossinum yfir AFS í bænum mínum en greinilega ekki þar sem ég var greinilega að fara út að borða með vinum mínum haha en fengum rosa góða kjúklingavængi og skemmtum okkur vel og svo forum við aftur í kvöldmat kl half 2 um nóttina útaf ég var svo svöng og forum svo heim. Ég var  vakin kl 9 um morguninn útaf ég var að fara í “sólarhrings heimsókn til sjálfboðaliða,, og þarna tók á móti mér æðisleg stelpa sem heitir Paula og mamma hennar Elizabeth og við keyrðum heim og þar sýndu þær mér heimilið mitt nýja og allt svo hreint og fínt loksins. Þær búa allveg niðrí í bæ þannig það er stutt í allt og rosalega gaman að fara út að rölta þar sem þetta er bara miðbærinn. Ég fékk mitt eigið herbergið með hjónarúmi og allt sér en herbergið er eiginlega séríbúð þar sem maður þarf að fara útúr húsinu til að fara í það en það er æði að fá loksins privacy. En útaf Paula átti afmæli forum við í San cristobal köldu borgina og röltum um , fengum okkur ítalska pítsu , forum á safn þar sem voru bara munir af fólkinu sem býr í skóginum mjög áhugavert ótrúlegt en satt haha  og forum svo á kaffihús og fengum okkur köku en þá fékk ég að vita það að ég ætti að vera hjá þeim í 2 vikur þangað til að þau myndu finna ekta fjölskyldu. Ég eyddu laugardagskvöldinu bara að horfa á mynd og kosy vildi ekki vera fara út fyrstu nóttina mina hjá þeim. Við vöknuðum á sunnudeginum við æðislegan morgunmat fullt af ávöxtum og svo gaman hvað þær borða bara hollt og lífræntræktaðann mat sem ég dýrka og eru í þokkabót æðislegar!

Paula fór sem skiptinemi til Japan og systir hennar er núna úti í Danmörku þannig þau eru öll með góða reynslu og skilja mig mjög vel og tóku þá ákvörðun að hósta mig allt árið ef ég skil þau rétt og í Desember fer ég og mamman að ferðast um allar strendur mexíco ekkert smá spennandi er svo ánægð! En á sunnudeginum forum við á fund með fjölskyldunni og ræddum málin og ég tók dótið mitt og það var ákveðin kveðjustund mjög sértsakt og þetta var eins og jarðarför haha… En loksins kom ég heim og tók uppúr töskunum og líður mun betur núna J

Í dag forum við í immigration og erum að reyna redda vísanum fékk í staðinn að sleppa skólanum en í næsta laugardag á ég afmæli og það verður svolítið skrítið að halda uppá það með fólki sem ég þekki mjög lítið en held að það verði bara fínt þar sem afmæli í mexico er eins svo stór atburður hjá þeim.

:)

Jæja þá er búið að vera nóg seinustu viku en ég nennti ekki allveg skólanum þessa vikuna útaf ég var alltaf að fá svona hitaköst og ógleði en þá fór ég bara 2 daga í skólann í vikunni.

Ég er ekki frá því að spænsku kennarinn hati mig þar sem það eru 3 stelpur frá ítalíu sem kunna aðeins of góða spænsku og þá kann ég ekkert við hliðiná þeim en eftir spænskutíma á þriðjudaginn forum við aðeins að rölta um bæinn að leita að afmælsigjöf fyrir eitthverja stelpu en svo tók ég strætó heim og það tók ekki nema 2 klukkutíma að fá strætó því að allir voru fullir það var æðisleg bið í hitanum en ég er ekki frá því að ég sé ekki beint í uppáhaldi hjá spænskukennaranum þar sem ég kann ekki jafn góða spænsku og ítölsku stelpurnar og þegar hann spyr mig veit ég aldrei neitt. En sá skóladagur fór aðalega í það að hjálpa vinkonu minni að skipta um fjölskyldu þar sem hún býr í rottuholu og lýður ömurlega heima hjá sér en samt er fjölskyldan svo yndisleg en sem betur fer fekk hún nýja fjölskyldu og mokríka en hún var byrjuð að venjast því að baða sig úr bala í meigluðu baðherbergi og fannst mjög skrítð að fá loksins sturtu sem var mjög  skrítið að heyra en það er svo mikið rugl í Suður – Ameríku kerfið og get nú ekki sagt að öllum sé treystandi hérna þannig maður verður að passa sig rosalega hvað maður segir .

Á föstudaginn var ekkert smá spes dagur, en það var dagurinn fyrir þjóðhátíðardag Mexicana og var nú meiri veislan í skólanum og allir áttu að koma með veitingar en ég vissi það ekki haha en eini dagurinn á árinu sem að maður má sleppa skólabúningum, svo átti vinkona mín Astrid afmæli og var haldið í hefðina og hent andlitinu hennar í köku og svona! Um morgunininn þegar ég labbaði inní stofuna voru 2 stelpur að hengja upp fullt af svona post-it miðum á borð hjá einni stelpunni og ég skildi ekkert hélt að þetta tengdist deginum eitthvað og svo fer ég bara útur stofunni og svo alltíeinu kemur vinur minn inni í stofuna með blómvönd og miða sem stóð á á spænsku ,, Viltu vera kærastan mín? “ og hún sagði auðvitað já og allir klöppuðu og ég var í sjokki í svona sirka 30 mínútur því að mér fannt þetta svo skrítið og allir voru að hlæja að mér því að eg stóð þarna bara hvað er íii gangi? – þetta var eins og þegar beðið er um að gifast sér og ekki einu sinni folk á íslandi gengur svona langt þegar það er verið að biðja um hönd eitthvers haha..

Allvegana fór ég og systir mín í 2 tíma strætóferð útaf við ætluðum að fara skoða rosa fínt moll og það var svona sirka 40 stiga hiti og enginn loftræsting og ég hef aldrei verið jafn uppgefin eftir ferðina og rosa spennt að sjá mollin neinei, er ekki ein búð í þessu molli heldur bara svona stór matvöruverslun þannig við þurftum að fara alla leið tilbaka og ég nennti ekki með heim til frænku hennar því að þau tala endalaust þannig ég fór ein í mollið og verslaði mér smá föt og afmælisgjöf fyrir vinkonu mina og fór svo heim og talaði við pabba á skype og fór svo á veitingarstað með vinahópnum til að gera svona ,,surprise” fyrir stelpuna en ég kom auðvitað alltof seint.. Mexicanar ég er að segja ykkur þeir kunna sko ekki á klukku! En það er allvegana búið að banna okkur að hanga með sjálfboðaliðum AFS sem er nú meira ruglið þar sem þau eru í skólanum okkar og eru í vinahópnum haha og einn sjálfboðaliðinn er besti vinur skiptinemans og enginn skilur neitt þannig við brjótum bara reglurnar og auðvitað komu þau með okkur út að borða.

En það var rosalega gaman og alltíeinu áður en við forum sagði systir mín mér að taka með mér náttföt því að ég átti að fara gista hjá vinkonu minni og þeim datt ekki í hug að spurja mig hvort að ég vildi það en auðvitað vildi ég það haha þannig ég fór heim með henna eftir út að borða og með bróðir hennar og vin hennar og við vorum hjá þeim að spjalla og ótrúlegt hvað hún er orðin náin foreldrum sínum og ekki ég! En það er annað hún er ítölsk þannig hún kann roslaega góða spænsku en það var mjög fínt að fá smá lúxus og sofa með sæng og mjög hreint heimili svona til tilbreytingar haha !

 

Daginn eftir ákvöddum við að fara skoða svona fjöll og fengum leigubíl til að skutla okkur á milli útsýnisstaða en þetta var mjög virtur staður og þurftum við að borga okkur inn og þar voru sko venjulegir vegir loksins!

En það var mjög falleg hinsvegar orðið dálítið þreytt eftir smá að vera sjá alltaf sama og sama útsýnið bara frá öðru sjónarhorni en svo forum við í Park Marimba þar sem er spilað svona eins og piano með kjuðum og fengum okkur krap en þá kom demba og við forum í mollið í staðinn en ég var orðið of þreytt fyrir lífið þannig ég fór heim og lagði mig og hafði svo bara rólegt um kvöldið!

Á sunnudeginum vöknuðum við og forum í morgunmat og þar smakkaði ég allra bestu tacos á æfinni vá hvað þær voru góðar haha og forum svo og skoðuðum eitthverja á og löbbuðum um  við sátum og vorum að borða krap þá kemur kona að mér og segir við mig hvað ég er falleg og hvort þau megi taka mynd af mér útaf augunum mínum  og þetta er ekki í fyrsta skiptið, þetta er rugl hvað allir eru ástfangir af augunum mínum þar sem þau eru græn og flestir með brún augu haha, en eftir það fórum svo til þessarar frænku og þær töluðu endalaust í svona 5 tíma þannig ég fór uppí herbergið hennar eins og ég geri alltaf þegar ég er í heimsókn og lagði mig haha.. En þá ákvöddum við að fara á ströndina daginn eftir og kíktum ég og systa út með nokkrum krökkum og litlu systur mínar hengu utan í bílnum og þetta er svo ótrúlegt hvað ég er bara komin aftur í 7unda bekk hérna en það vonandi venst eða breytist frekar.

Á mánudeginum lögðum við af stað kl 7 um morguninn til að fara á ströndina og í hvert skipti sem við forum í gegnum svona öryggisverði sem gerðist 2 var þurfti ég að loka augunum útaf við gleymdum immigration spajldinu mínu heima og þeir meiga ekki sjá að ég sé ekki mexicani haha en sem betur fer svaf ég næstum alla ferðina eins og ég geri best hérna í Mexico að sofa og komum við á geðveikan stað með 4 sundlaugum og rosa falleg og ég ákvað að setja ekki á mig sólarvörn þar sem hún var útí bíl og ég nennti ekki að sækja hana og brann svona skemmtilega í andlitinu og á höndunum en það er held ég  farið núna sem betur fer og svo akkúrat kl 6 kom hverfilbilur eða eitthvað í þá áttina sem var eimitt lokunartíminn,en á morgun forum við á ströndina. Fínt að fá smá pásu frá öllu og slaka á ! 

Á þriðjudeginum vöknuðum við og ég var bara brenndust í heimi og vorum að fara á ströndina en byrjuðum á því að fá okkur morgunmat í bænum og þau fengu sér þetta að drekka með sem er mesti viðbjóðurinn

En svo hentum við okkur á ströndina ég sama brunarústin alltaf hreint og þurfti að vera á veitinarstað næstum allan tímann útaf eg vildi ekki brenna meira og ég hef ALDREI séð jafn stórar öldur þetta var bara klikkuð og það eðlilegasta hérna úti

En svo fórum við út að borða og ég fékk svo best í heimi að borða